Stand: 20.04.2023 05:30 Uhr

Kolumne: Hör mal 'n beten to "Mien Groot is kaputt"

Ein Porträt der Hör mal 'n beten to Autorin Kerstin Kromminga. © Kerstin Kromminga

Kerstin Kromminga is as Clownin Broccoli in't Kinnerkrankenhus un bi de Ölleren in't Seniorenheim ünnerwegens. Un se is ok Expertin för Kommunikatschioon - dorum hett se ok to jichtenswatt jümmers watt to seggen.

Bei Kerstin Kromminga tut sich was in der Familie: Verdächtige Ordnung bei den Kindern. Da stimmt was nicht!

AUDIO: Mien Groot is kaputt (2 Min)

"Mien Groot is kaputt"

Dat mit de Pubertät is ja so een Saak. Up eenmol is se doar un denn is dat fix ok richtig schlimm un tüschen di und dien Kind is nix mehr as dat mol weer. Mit mien Groot hebb ick doar all mennigwat dör.

Man nu dat: Ehrgüstern seggt mien Groot an mi: "Hier Mama, hier is mein Waschke - un ick hebb ok mien ganze Plünnen van de Grund in mien Zimmer üprümt, ick kunn dat nich mehr sehen." Un denn güstern woar mi heel anners, as se seggt: "Ick mutt dringend duschen, Mama." Un vandag funn ick dat binah spöökachtig, denn doar nohm se bit Middageeten mien Hann un frog total uprichtig: "Geiht di dat ok good, Mama?" Un dat gung noch wieder: eenfach so, mittmal drückt se mi ganz leew.

Mit de Pubertät is ja so een Saak

Mann, un doar sall een nich stutzig warden? Of tominst verwunnert? Doar stimmt doch wat nich mit mien Kind. Jichtenswat hett mien Groot kaputt makt! Se seggt Bescheed, woar se hengeiht, se kümmert sück um hör Kram - ganz alleen - wi spölen abends noch wat tosamen, se is nett to ehr lüttje Bröör, un to us. Ton Glück is noch nich alles verloren, solang se nich seggt: "Mama, ick hebb di leew." Man völ fehlt doar ok nich mehr to.

Mit de Pubertät is dat denn woll ok genauso plötzlich weer vörbi, as dat anfungen hett. Of mien Groot is doch in'n Dutt.

Zum Podcast-Angebot der plattdeutschen Sendereihe "Hör mal 'n beten to"

Die plattdeutsche Morgenplauderei "Hör mal 'n beten to" gehört seit mehr als 60 Jahren zum Alltag in Norddeutschland. Hier werden die Wunderlichkeiten des Alltags betrachtet. So klingt es, wenn wir Norddeutschen uns selbst auf die Schippe nehmen - liebevoll bis spöttisch, selten mit dem Finger in schmerzenden Wunden, aber immer an Stellen, an denen wir kitzelig sind. Im Radio: werktags um 10.40 Uhr auf NDR 1 Welle Nord, um 11.50 Uhr auf NDR 1 Niedersachsen und um 13.20 Uhr auf NDR 90,3.

Weitere Informationen