Vör lopen Kameras is dat ut’n Ruder lopen: US-Präsident Donald Trump hett den ukrain’schen Staatschef Wolodymyr Selenskyj in’t Witte Huus beschimpt, he weer undankbor. Egens wullen se en Rohstoff-Afkamen ünnerteken. Man dorto is dat nich kamen. Selenskyj harr dorüm beden, dat de USA sien Land afsekern schall. Denn hebbt se sik bannig in de Hoor kregen. Trump hett em vörsmeten, he wöör den drütten Weltkrieg riskeren. He will nu eerstmal nich mehr mit Selenskyj schnacken.
Na den Eklat geev dat beids: Applaus för Donald Trump, man ok Solidarität mit de Ukraine. De Premierminister vun Australien, Anthony Albanese, de sä, sien Land wöör de Ukraine so lang as dat nödig weer, bistahn. Meist so hett dat ok de brit’sche Regerenschef Keir Starmer seggt. Polens Premier Donald Tusk hett schreven: “Ukrain’sche Frünn, ji sünd nich alleen.“ De Ministerpräsident vun Ungarn, Viktor Orban, hett dorgegen danke to Trump seggt. He sä: „Starke Männslüüd, de maakt Freden, swacke Mannslüüd föhrt maakt Krieg.“
Butenministersch Annalena Baerbock vun de Grönen, de hett bi’n Wahlkampafsluss de Hamborger Grönen Stütt geven. De Grönen, de staht ünner Druck, denn de CDU is vör de Börgerschopswahl meits liekop in de Ümfragen. Spitzenkandidatsch Katharina Fegebank, de sä, de Bunnsdagswahl, de harr den Hamborger Wahlkamp överschaddt. Annalena Baerbock, de hett Hamborg löövt as Vörbild bi de Verkehrswenn, de Integratschoon un de Klimapolitik.
Butenministersch Annalena Baerbock vun de Grönen, de hett bi’n Wahlkampafsluss de Hamborger Grönen Stütt geven. De Grönen, de staht ünner Druck, denn de CDU is vör de Börgerschopswahl meits liekop in de Ümfragen. Spitzenkandidatsch Katharina Fegebank, de sä, de Bunnsdagswahl, de harr den Hamborger Wahlkamp överschaddt. Annalena Baerbock, de hett Hamborg löövt as Vörbild bi de Verkehrswenn, de Integratschoon un de Klimapolitik.
To’n Wahlkampafsluss vun de Hamborger CDU is de vermodens tokamen Kanzler Friedrich Merz na de Havencity hinkamen. He sä, na de Bunnsdagswahl weer dat nu ok in Hamborg Tiet för en Politikwessel. Spitzenkandidaad Dennis Thering harr sik för en Koalitschoon mit de SPD utsproken. Güstern hett he noch mal kloor vör rund 700 Parteiliddmaten seggt: „Wi wüllt de Grönen in de Oppositschoon schicken.“
In’n Hamborger Oosten, dor mööt sik de Fohrgäst vun de U2 un U4 op en letzte Afsperren instellen. Denn an de Hoorner Rennbahn, dor warrt de U-Bahnstreek länger maakt. Dat geiht Maandag in de Fröh los un schall acht Weken anduern. In de Tiet wüllt se de untereerd‘sche Aftwegen to de Hoorner Geest fardig maken, ole Sporen nee maken un digitale Stellwarktechnik installeren. Wat de Hoochbahn seggt, sünd de Arbeiden in’n Tiet- un Kostenplaan.
Vundaag fangt de Dag mit Wulken un gries an. Hier un dor kümmt en beten Spütterregen daal, övern Dag is dat aver meist dröög. Eerst Namiddags lockert dat en beten op, later hebbt wi ok en Schangs, de Sünn mal to sehn. Dat Ganze bi bet to 8 Graad. Opstunns meet wi bi ju op Finkwarder 3 Graad. Morgen fangt de Dag ok eerstmal gries an, man dat blifft meist dröög. Övern Dag mag dat beten oplockern bi bet to 9 Graad.
