De Stadt Hamborg köfft Plegen un Wohnen torüch – för bummelig dreihunnertachtig Millionen Euro. Börgermeester Peter Tschentscher vun de SPD seggt, dat de Stadt so to'n gröttsten Heimbedriever vun Hamborg warrt. De CDU bekrittelt dat. De Rückkoop weer blots en Wohlkampaktschoon. Op de anner Siet wull De Linke al johrenlang, dat dat Ünnernehmen vun de Stadt wedder torüchköfft warrt. Ok de Warkschop Verdi hett sik övern Rückkoop freiht.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten60548.html