Wi sünd hier ja in Hamborg nich ut Zucker. Dor maakt dat denn ok nix, wenn’t vundaag af un an mal en beten pladdert. All to koolt warrt dat bi Temperaturen bet to 22 Graad tominnst nich. Af un an pliert de Sünn ja ok mal dörch de Wulken dörch.
Morgen kriegt wi sogor bet to 24 Graad. Liekers kümmt dor jümmer wedder düchtig wat Natts vun baven rünner. Womööglich ok mal mit en Dunnerslag.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten57882.html