Mehr as een Million Besökers - so veel, as vör de Pandemie. Dor rekent de Veranstalters mit bi’n Hamborger Havengeboortsdag. Un de geiht hüüt Namiddag los mit de Inloop-Paraad, wo denn de Fregatte „Hamburg“ vörweg föhren deit. Ok mehre grote Seilscheep sünd mit dorbi. Un morgen is denn dat traditschonelle Sleper-Ballett an’e Reeg. Un dor sünd denn dat eerste Tuur junge Ballett-Dänzers mit bi. All Infos to’n Hamborger Havengeboortsdag finnt Ji ok op ndr.de/hamburg un in uns NDR Hamborg App.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten53660.html