Kolumne: Hör mal 'n beten to "Tro di wat, snack Platt"
Platt liegt uns hier im Norden in den Ohren. Es zu sprechen, trauen sich noch zu wenige Nordlichter. Tro di wat, snack Platt!
"Tro di wat, snack Platt!"
"Moin!" "Moiiin." Höör ik blots ut'n Hoff as ik hier in de Platt Redakschoon bi'n NDR in Hamborg sitt. Lustig, wat wohrschielich nüms vun düsse Stimmen op‘n Hoff seggen wöörn, wat se so richtig Plattdüütsch snacken kunnen. Aver son lütt beten köönt se denn even doch.
Moin! Ik bin Fiene, bin 25 un kumm ut Hamborg. Un ik, ik snack platt. Nich jümmers perfekt, aver ahn een dat versöcht, kann en jo ok nich beter warrn.
In mien Öllernhuus op Finkwarder bün ik tominnst to’n Deel plattdüütsch opwussen. För mi is Plattdüütsch dat Geföhl to huus to ween.
Plattdüütsch - uns Spraak hier in't Noorden
As mi de Spraak an't Hart liggen deit, will ik wat ännern. Ik will, wat mehr Lüüd Plattdüütsch snackt - un dorüm bün ik hier. As Praktikantin in de Platt-Redaktschon bi NDR 90,3.
Vun Dag is jo de Plattdüütsch Dag in Hamborg. Un ik frei mi bannig över düssen Dag. So veel Hart, Kreativität un Arbeit stickt in jedeen Programmpunkt. Un vör allen: so veel Platt!
Man egentlich langt een Dag Platt gor nich. Nich blots as een so un so nich allens schaffen kann, wat dor op dat Programm steiht. Hamborg is even groot. Man wat bi düssen Dag jo dat Scheunste is, is, wat so veele Lüüd Platt schnacken doot! Un woll ok de, de egens nich so richtig Platt snackt, köönt na düsse Dag wiss mehr as blots "Moin" seggen. Tominnst wenn se sik truen.
Ik still mi dat al vör: "Gooden Dag!“. "Moiiin!" "Kannst du da vorne auf mich warten?" "Jo kloor!" So töönt dat denn villicht al morgen vun'n Hoff. Un ik war dinken: Kiek mol an! Een Dag op Platt un dat hett al wat bröcht. Un dor geiht seker noch mehr. Tro du di doch ok mal wedder platt to snacken! Denn föhlst du di ok to Huus - un so richtig as Noordlicht!
Zum Podcast-Angebot der plattdeutschen Sendereihe "Hör mal 'n beten to"
Die plattdeutsche Morgenplauderei "Hör mal 'n beten to" gehört seit mehr als 60 Jahren zum Alltag in Norddeutschland. Hier werden die Wunderlichkeiten des Alltags betrachtet. So klingt es, wenn wir Norddeutschen uns selbst auf die Schippe nehmen - liebevoll bis spöttisch, selten mit dem Finger in schmerzenden Wunden, aber immer an Stellen, an denen wir kitzelig sind. Im Radio: werktags um 10.40 Uhr auf NDR 1 Welle Nord, um 11.50 Uhr auf NDR 1 Niedersachsen und um 13.20 Uhr auf NDR 90,3.
Schlagwörter zu diesem Artikel
Plattdeutsch
