De fröhere US-Präsident Jimmy Carter is in't Öller vun 100 Johr sturven, bi siene Familie in siene Heimaat Georgia - so hett dat Carter siene Stiftung künnig maakt. De Demokraat weer vunaf 1977 veer Johr lang US-Präsident. In disse Tiet hett he dat henkrgen, dat de Kriegs-Tostand twüschen Israel un Ägypten to Enn gahn is - mit dat Afkamen vun Camp David. Na siene Präsidenten-Tiet hett Carter sik denn bannig veel för de Minschenrechten insett. Dorför kreeg he 2002 den Fredensnobelpries.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten60376.html