Bunnskanzler Olaf Scholz mutt vundaag to'n drüdden Maal vör den Cum-Ex-Ünnersökungsutschuss vun de Börgerschop utseggen. Ditmal geiht dat üm Cum-Ex-Geschäften vun de HSH-Nordbank. De fröhere Lannsbank vun Hamborg un Schleswig-Holsteen, de harr sik 29 Maal Kapital-Erdragsstüern erstatten laten, de se aver gor nich utgeven harr - allens tosamen sünd dat bummelig 121 Millionen Euro. Mit dorbi ween mööt hüüt ok Hamborgs Börgermeester Peter Tschentscher vun de SPD un de fröhere CDU-Ministerpräsident vun Schleswig-Holsteen, Peter Harry Carstensen.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten60134.html