Geiht dat na de EU-Kommischoon, denn schall de Fischfang in de Oostsee noch wieder verminnert warrn. De tostännigen Ministerslüüd ut de Europääsche Union wüllt dor vundaag wieder över snacken. De Fischerslüüd maakt sik Sorgen över de Vörslääg vun de Kommischoon. Kunn angahn, dat Utnahmen, de noch gellen doot, wegstreken warrt. Opstünns dörvt de Fischers noch mit lüttere Kutters Heren fangen. Fachlüüd sünd bang, dat dat vörbi ween kunn mit Delen vun de Küstenfischeree, wenn dat wegfallen schull.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten59604.html