En Neestart för den Weertschopsstandoort Hamborg, den hett güstern de CDU in’e Börgerschop verlangt hatt. Flooglinjen streken jümehr Routen, de Ümslag in’n Haven güng trüch, Bedrieven stöhnen ünner den ganzen Papeerkraam un dat, wat Energie kösten dee. So as de CDU-Frakschoonsböverste Dennis Thering dat sä, passen Weertschop un Root-Gröön nich tohoop. Wedderwöör kömen vun SPD-Weertschopssenatersch Melanie Leonhard. Denn se sä, dat de Stadt en düütlich Wassdom beleven dee. Hamborg weer breet opstellt mit Industrie, Luftfohrt, Sundheitsbranch un Logistik.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten59558.html