Vele Minschen in St. Georg sünd besorgt: Se sünd bang, dat sik de Drogenszeen noch mehr na den Stadtdeel hen utbreden deit – nu dat an’n Hööftbahnhoff mehr kontrolleert warrt. Dorüm wiest sik de Hamborger Polizei opstünns mehr an’n Hansaplatz in St. Georg. Güstern Avend weren goot 50 Polizeilüüd in’n Insatz. Se hebbt Minschen kontrolleert, de se op’n Kieker hebbt, dat se mit Drogen hanneln doot. Alltohoop weren dat 94 Lüüd, de se dörchcheckt hebbt. Een Person hebbt se eerstmal fastnahmen, 16 Mal geev dat en Platzverwies un 18 Mal en Ophoolverbott. Un denn hebbt de Beamten bi mehrere Lüüd Drogen un Reizgas funnen.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten59502.html