Welk Lüüd pennelt op de Streck jeden Dag, annere blots över dat Wekenenn henweg: Dat Bahnföhren twüschen Hamborg un Berlin duert nu af vundaag länger as normalerwies. Bi de Fohrt kaamt nu neemich fiefunveertig Minuten bavento. Un dat liggt doran, dat dor an’e Hööftstreck veel wat ümboot un nee maakt warrt. Dat Ganze schall veer Maand lang duern. Bet na de Wiehnachtstiet rin rullt de Töög denn op en Ümleitstreck över Uelzen un Stendal. Un bavento föhrt dor denn in’n Fernverkehr blots noch een Tog in’e Stünn.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten58840.html