Vele Lüüd sünd totiet an't Verreisen, un nu protesteert wedder Klima-Aktivisten vun de Letzte Generatschoon op mehrere düütsche Flooghavens. De gröttste Akschoon gifft dat schient's an'n Airport Köln-Bonn, wo en Tiet lang överhaupt nix mehr güng. De Bunnspolizei seggt, dor hebbt sik Aktivisten in de Neegde vun de Start- un Lannebahn fastkleevt. Ok an'n Flooghaven Nürnberg kunnen tietwies keen Flegers starten oder lannen. Un noch mehr Stöör-Akschonen dör Klima-Aktivisten sünd ut Stuttgart un Berlin mellt worrn.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten58822.html