Överall fehlt totiets Fachlüüd un dat ok in’e Pleeg. Anfang tokamen Johr mööt twee Pleegheimen vun’e Diakonie in Hamborg jümehr Dören dicht maken. Dat liggt an dat Personaal, dat fehlen deit. Geiht üm dat Heinrich-Sengelmann-Huus in St. Georg un üm dat Seniorenhuus Matthäus in Winterhuud. Un so fallt dormit denn üm un bi tweehunnert Pleegheim-Plätz weg. Al nu fehlt in Hamborg, so as de Diakonie dat seggen deit, 1.300 Plätz in Pleegheimen.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten58360.html