Egens schull vundaag de Rentenrefoorm afnickt warrn. De Bunnsregeren verschufft dat nu aver op en latere Tiet düssen Maand. Dat verkloor Bunnskanzler Olaf Scholz vun’e SPD güstern Avend. Vörher harr he sik mit Viezkanzler Robert Habeck vun’e Grönen un mit Finanzminister Christian Lindner vun’e FDP drapen. Man Soziaalverbänn wiest dor nu dull wat op hen, dat een dat Rentenpaket noch vör de Sommerpaus op’n Weg bringen mutt. Un dat een dat Ganze nich in‘n Striet, wo dat üm de Staatskass gahn deit, bi tweirieten dröff.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten57716.html