In twee Weken is Bunnsdagswahl - un güstern Avend sünd Bunnskanzler Olaf Scholz un Gegenkandidaat Friedrich Merz vun de Union to'n eersten Maal in en TV-Duell openanner drapen. Ganz veel debattert worrn is üm de Migratschoonspolitik. Bi dat Thema Weertschop sä Merz, dat Düütschland totiet en De-Industrialiseren beleven dee. Scholz hett togeven, dat de Ünnernehmen totiet nich besünners toversichtlich sünd. He hett aver ok dorop verwiest, dat Düütschland mang de G7-Staten op den tweetbesten Platz steiht, wat de Tahlen an Arbeitslose angeiht.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten60848.html