Bi den Hamborger Kopperproduzent Aurubis weer ja Eddelmetal klaut worrn. As dat lett, is doch düütlich mehr wegkamen, as se bet nu dacht hebbt. Dat Ünnernehmen hett bi en Bestandsopnahm rutfunnen, dat Gold, Sülver un Platin in’n Weert vun mehr as 100 Millionen Euro fehlen deit. In’n Juni weer Aurubis noch dorvun utgahn, dat de Schaden bi 20 Millionen Euro liggen dee. De Weert vun de Aktie weer domals üm 10 Perzent dalsackt.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten54996.html