Bi de Mai-Demos in Hamborg is en Demonstrant swoor to Schaden kamen. De Mann is an’n Schlump woll vun en Polizisten mit vulle Wucht ümrempelt worrn. Op en Video is to sehn, dat de sik denn ümdreiht hett un weggahn is, wieldess de Mann mit Krämpf an de Eerd liggen dä. De Polizei ünnersöcht de Saak nu. Alltohoop hebbt güstern dusende Minschen in Hamborg demonstreert, ahn dat wat grötteret vörfullen weer.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten53626.html