Kolumne: Hör mal 'n beten to "Husmann"
Kerstin Kromminga fällt aus dem Raster. Ihre Berufe als Krankenhaus-Clownin und Autorin werden nicht überall anerkannt.
"Husmann"
Bloots mol so. Stellen wi us mol eben een Welt vör,in de disse Situatschion wohraftig was:
Een utwussen Mann is mit sien Moder in de Bank. He will een Vollmacht för de Bankkonto van sien Öllern inrichten laaten. De Bankerin brengt em de heele Zedels un Formulare un na de ganze Utfüllen gifft dat noch een poar Frogen. Se frogt de Mann: "Wat sall ick denn hier bi 'Beruf' indragen?" He seggt denn: "Ja kloar, van Beroop bün ick Klinic-Clown un Autor."
Un de Fru van de Bank denn so: "Is dat villicht okay, wenn ick denn as Beroop 'Husmann' henschrieven do?"
Kien Anerkennen vun Jobs, de nich 0815 sind
Ick bün fassungslos, bit nu, denn: Mi is haargenau dat passert, bloots annersrum. Doar bün ik nu 53 Joar, hebb studeert, mien heele Leewen arbeit un een Bült hochprofessionelle Jobs makt. Ick hebb jümmers mien Geld verdeent un ok völ Erfolg hat. Un ick hebb mi butendem alltieds för de Rechte van Froonslüd insett. Un denn sowat?
"Is dat villicht okay, wenn ick hier as Beroop 'Huusfru' henschrieven do?" Nix tegen Husarbeit un Mama of Papa weesen un so - dat sünd super wichtige Jobs, de ok völs to minn in de Reken sünd. Ick hebb denn doar in de Bank slichtweg eenfach 'Ne, dat is noch okay!", seggt.
Man so een Froog kann een doch hütigendags nich stellen, bloots wiel de Computerprogramm de Jobs "Klinic-Clownin" un "Autorin" nich kennen deit? Un denn froog ick mi: woso egentlich nicht?
Zum Podcast-Angebot der plattdeutschen Sendereihe "Hör mal 'n beten to"
Die plattdeutsche Morgenplauderei "Hör mal 'n beten to" gehört seit mehr als 60 Jahren zum Alltag in Norddeutschland. Hier werden die Wunderlichkeiten des Alltags betrachtet. So klingt es, wenn wir Norddeutschen uns selbst auf die Schippe nehmen - liebevoll bis spöttisch, selten mit dem Finger in schmerzenden Wunden, aber immer an Stellen, an denen wir kitzelig sind. Im Radio: werktags um 10.40 Uhr auf NDR 1 Welle Nord, um 11.50 Uhr auf NDR 1 Niedersachsen und um 13.20 Uhr auf NDR 90,3.
Schlagwörter zu diesem Artikel
Plattdeutsch
