Kolumne: Hör mal 'n beten to "FKK-Happen"
Ines Barber denkt über eine Kreuzfahrt nach. Wie wäre es wohl, unter der heißen Sonne hüllenlos an Deck zu liegen?
"FKK-Happen"
Solk mega Krüütfohrtschipp is jo en ganz egen Welt. Een besünner Kosmos. Ik heff leider mol'n fiese Thriller över'n Krüüzfohrt leest, siet düsse Tiet is dat för mi keen Option mihr. Man ik kiek mi geern an, wat allns so löppt op See.
Heavy Metal Krüüzfohrt - klor. Wacken all over the world. Super. Kann ik mi vörstelln. Adults only - keen Kinner an Bord, okay. Man nu heff ik Biller in Kopp, de sünd beten verdwars. Hest Du al mol vun FKK-Krüüzfohrten höört? Tjo. Gifft dat, op grote Damper un heel romantsch ok op lütte Krüüzfohrer. Natürlich blots dor, wo dat super warm is un ok verlöövt. - Jaaaa.
So ene FKK-Krüüzfohrt hett Vör- un Nadeele
Na kumm, is egentlich jo praktisch. Du brukst nich so veel Kleedaasch mitschleppen. Annerwies, di versteken achtern poor schicke Plünnen geiht ok ni mihr… Liekers, bien Empfang mit'n Kaptein schasst di wat översmieten. Ok in't Restrant? Seker. Nich, dat di dat Gulasch womööglich ut Versehn rünnerfallt un oppe Oberschenkel en Lock inne Huut brennen deit. Oder de Koffi mang de … - autsch.
Na, ik heff Kino in Kopp. Jo, nee, liekers - is doch egol, ik fohr jo sowieso ni mit. Nee, solk gigantsch Hochhuus op Meer, dor krigg ik ok mit Kleedaasch al'n klaustrophobsche Anfall. Een Luxuskäfig op hoge See, ünner di Meter üm Meter dat swatte Meer, un de witte Hai töövt mit Gedüür op'n Dussel, de över Bord geiht - in' Antog oder glieks fardig utpellt - as FKK-Happen. Nee, lever nich.
Zum Podcast-Angebot der plattdeutschen Sendereihe "Hör mal 'n beten to"
Die plattdeutsche Morgenplauderei "Hör mal 'n beten to" gehört seit mehr als 60 Jahren zum Alltag in Norddeutschland. Hier werden die Wunderlichkeiten des Alltags betrachtet. So klingt es, wenn wir Norddeutschen uns selbst auf die Schippe nehmen - liebevoll bis spöttisch, selten mit dem Finger in schmerzenden Wunden, aber immer an Stellen, an denen wir kitzelig sind. Im Radio: werktags um 10.40 Uhr auf NDR 1 Welle Nord, um 11.50 Uhr auf NDR 1 Niedersachsen und um 13.20 Uhr auf NDR 90,3.
Schlagwörter zu diesem Artikel
Plattdeutsch
