Wi snackt platt

Vertell doch mal, Annas Slaapstuuv un ne'e Musik

Sonntag, 19. Januar 2025, 08:30 bis 09:00 Uhr

„Timsen“ vor der Geschätsstelle des Vereins verwaister Eltern und trauernder Geschwister © NDR Foto: Lornz Lorenzen

De Frontmann vun'e Band Santiano hett en ne'e Single rutbröcht: en Duett mit BAP-Sänger Wolfgang Niedecken. Bi "Wi snackt Platt" höört Ji "Af un to" - en Leed op Kölsch un Platt!

"Vertell doch mal" geiht wedder los! Tohoop mit Radio Bremen un dat Ohnsorg-Theater söökt wi ok düt Johr wedder de beste Kortgeschicht op Platt. Dat Thema, to dat Ji schrieven schüllt, is "Mit'nanner" un besünners freit wi uns ok över uns "Vertell doch mal"-Botschafterin düt Johr, de würklich en ganz grotet Hart för de plattdüütsche Spraak hett: TV-Moderatorin Enie van de Meiklokjes.
Denn geiht dat bi "Wi snackt Platt" ok noch üm dat ne’e Stück „Annas Slaapstuuv - Entführung auf Bestellung“ in’t Ohnsorg-Theater. Wi hebbt uns de Premieer vun dat Stück ankeken. Denn snackt wi ok noch mit den Musiker und Snutenhobel-Speler Lars-Luis Linek över sien ne’et Album „Platt hett Humor“- düssen Dunnersdag is he dormit in’n Lichtwarksaal vun’e Carl-Toepfer-Stiften to beleven. Un dat gifft ok noch annere ne'e Musik to höörn: en kölsch-plattdüütschet Duett vun Santiano-Frontman Timsen mit BAP-Sänger Wolfgang Niedecken. "Af un to" heet dat ne'e Leed - en Vörgesmack op dat ne'e Album vun Timsen, dat in'n April rutkamen warrt.