Wi snackt platt

Düt Johr is de Grand Dame vun't Ohnsorg-Theater 80. Johr oolt woorn. Nu hett dat Ohnsorg en Matinée för se utricht. Wi snackt mit Heidi Mahler över düssen heel besünnern Vörmiddag.

Se is de Grand Dame vun't Ohnsorg-Theater un düt Johr harr se ehrn 80. Gebortsdag: in düsse Utgaav snackt wi mit de Schauspelersch Heidi Mahler över de Gala-Martinée, de dat Ohnsorg verleden Sünndag för se utricht hett.

AUDIO: Wi snackt Platt: Plattdüütsch-Gala, Heidi Mahler un Tanks Theater (33 Min)

AUDIO: "Wi snackt Platt"-Spezial: Snack mit Heidi Mahler (12 Min)

De Grote Plattdüütsch Gala in'e Laeiszhall

Denn geiht dat ok noch üm de grote Plattdüütsch-Gala an'n Freedagavend in'e Hamborger Laeiszhall. Mit dorbi weern ganz vele plattdüütsche Künstlerinnen un Künstlers un Musikgruppen as "De Tüdelband", Sandra Keck, De Deichgranaten, Gerd Spiekermann, Matthias Stührwoldt, dat Ohnsorg Theater und vele, vele mehr. Modereert worrn is de Avend vun Klappmuulpopp Werner Momsen un Yared Dibaba - un präsenteert hett dat Ganze NDR 90,3.

VIDEO: ESC-Feeling bei Plattdeutsch-Gala in der Laeiszhalle (3 Min)

30 Johr Tanks Theater

Se staht för plattdüütsche Kumedien un ganz veel Hartbloot: De Lüüd vun Tanks Theater. 30 Johr is dat nu her, dat Norbert Tank dat Theater mit ganz veel Liedenschop grünnt hett. He sülvst is twoors al vör acht Johr storven, man dat Tanks Theater, dat gifft dat jümmer noch. Jümmer wedder bringt dat Theater ne'e Stücken un Ideen op de Bühn un nu, nu warrt Jubiläum fiert mit en bunten Avend ünner den Titel "Dörtig dulle Johr". Benita Brunnert weer bi de Premieer dorbi un vertellt bi "Wi snackt Platt" mehr över den Avend.

Korten to winnen: Ohnsorg-"Live" in't NDR Fernsehn

An'n tokamen Sünnabendavend, den 26. Oktober, dor heet dat vunaf Klock viddel na acht mal wedder: rop op't Sofa, Fernseher an un Ohnsorg kieken! Dat NDR Fernsehn överdriggt mal wedder live un in Farv, wenn in't Ohnsorg-Theater de rode Vörhang opgeiht - un to sehn gifft dat en Krimi-Kumedie, de sik de Erfolgs-Schrieversmann Henrik Berg utdacht hett. "Landünner - Eine Nacht am Ende der Welt" heet dat Stück un spelen deit dat op en lütte Hallig - un dor geiht dat lustig, man ok spannend un ok so en beten wat spökenkiekerisch to. Bi "Wi snackt Platt" maakt wi Lust op dat Stück un dat gifft in de Radiosennen (nich in'n Podcast) 2 x 2 Korten för den Avend to winnen.

Moderatschoon: Jan Wulf

Weitere Informationen

"Landünner" im Ohnsorg: Hallig-Krimi feiert Premiere

Landunter im Ohnsorg-Theater. In der Krimikomödie von Hendrik Berg geht es auf die Hallig. Ein spukender Klabautergeist inklusive. mehr

Landünner - eine Nacht am Ende der Welt - Ein Inselkrimi von Hendrik Berg

Vier Gäste treffen bei Pensionswirtin Hertha und ihrem mysteriösen Gatten auf einer Hallig zusammen. Es kommt zu heiteren Verwicklungen. mehr

Platt op'e Ohren: De "Wi snackt Platt"-Podcast

Wat an plattdüütsche Kultur op de Bühn, in de Literatur oder in Films löppt - Ji kriegt dat mit bi "Wi snackt Platt" vun NDR 90,3. mehr

Wi snackt Platt bei NDR 90,3

"Wi snackt Platt" bringt de heemliche Mudderspraak vun uns Noorddüütschen ok in't Radio un in'n Podcast to'n Klingen. mehr

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

Die Welt snackt Platt: Alles rund um das Thema Plattdeutsch

Plattdeutsche Sendungen in Radio und Fernsehen im Überblick, das Wörterbuch oder aktuelle Norichten op Platt. mehr