Wi snackt platt
Sonntag, 05. März 2023, 08:30 bis
09:00 Uhr
Üm un bi 40 Minuten hebbt Afornte ut all Frakschonen an'n Dunnersdag över "25 Johr Charta för Regionaal- oder Minnerheitenspraken" debatteert. Kloor, dat wi dor ok bi „Wi snackt Platt” över snacken wüllt. Man dat is noch lang nich allens: denn dat schall ok noch üm uns ne'et Plattdüütsch Hörspeel “De Kawentsmann" gahn, un wi stellt Jo dat ne’e Stück "Drievjagd in Knevelsfehn" vun’e Bickbeern Schweizer Speeldeel in Rosengoorn vör.
Bunnsdag debatteert in Regionaal- un Minnerheitenspraken
Plattdüütsch, Freesch, Dänsch un ok en beten wat Sorbsch: Verleden Dunnersdag hett de Düütsche Bunnsdag över 25 Johr Europääsche Charta för Regionaal- un Minnerheitenspraken debatteert. Un dat nich blots op Hoochdüütsch. All Afnornten weern oprapen, in jümehr egen Regionaal- un Minnerheitenspraken to snacken. Un dat hebbt tominnst 6 vun tohooprekent 11 Bunnsdagsafornten ok so doon. Bi "Wi snackt Platt" vertellt wi Jo, üm wat dat in düsse Utspraak güng, un wi snackt mit Christiane Ehlers vun'n Bunnsraat för Nedderdüütsch, de bi de Utspraak in'n Bunnsdag live un in Farv dorbi weer.
Höörspeel-Making of: "De Kawentsmann"
Middewekenavend vunaf fief na negen is bi NDR 90,3 mal wedder Tiet för uns Plattdüütsch Hörspeel. Dat Stück, dat wi dütmal för Jo hebbt, dat is een ganz Ne’et. In “De Kawentsmann”, schreven vun Helga Bürster, geiht dat üm den Wilddeef un Daglöhner Hinnerk, de ok Hasen-Ahlers nöömt warrt - een to'n gröttsten Deel wohre Geschicht ut dat Ollenburger Land. "Wi snackt Platt"-Reporter Helge Albrecht weer dorbi as dat Höörspeel vör noch nich all to lange Tiet in een NDR-Hörspeel-Studio an’n Rodenboom optekent worrn is un hett de Schauspelers bi ehr Arbeit mal över de Schuller keken...
Bickbeern-Schweizer-Speeldeel speelt "Drievjagd in Knevelsfehn"
„Drievjagd in Knevelsfehn“ – so heet dat ne’e Stück vun de Bickbeern-Schweizer-Speeldeel ut Rosengoorn, nich wiet weg vun’e Lannsgrenz vun Hamborg. To sehn is “Drievjagd in Kevelsfehn” vunaf Dingsdag, den 7. März in Böttchers Gasthuus in’e Bremer Straat in Rosengaarn – un "Wi snackt Platt"-Reporter Gerrit Hoss, de harr de Chance kort vör de Premieer mal bi een Proov vun dat Stück dorbi to ween.
Henwies: Dat Stück „Drievjagd in Knevelsfehn“ löppt noch bet to'n 26. März. Dat gifft Vörstellen, de sünd all utverköfft, man en paar Restkoorten sünd noch to hebben. Mehr Infos gifft dat hier.
Schlagwörter zu diesem Artikel
Plattdeutsch
