Wi snackt platt
Sonntag, 30. Juli 2023, 08:30 bis
09:00 Uhr
Düsse Daag geiht dat mit de 2. Football-Bunnsliga wedder los. Un in jede Saison gifft dat denn ja ümmer wedder wat, wo een sik bannig dull över opregen kann. Dormit wi dor nich ganz ut'n Takt kamen doot, wat dat Opregen angeiht, kiekt wi bi "Wi snackt Platt" an'n 30. Juli noch mal trüch - op den glieken Dag domals in dat Johr 1966. Denn dor, an den Dag, is dat legendäre Tor vun Wembley schaten worrn.
30. Juli 2003 - Tschüüs Käfer
Dat is ok an en 30. Juli ween, wo vör 20 Johr in en Fabrik in Mexiko de letzte VW Käfer vun't Band lopen is. Nipp un nau weer dat domals Käfer Nummer 21.529.464 - so veel sünd dor alltohoop över all de Johren henweg vun boot worrn. Fröher weer de Käfer sowat as en Teken för den Wohlstand - en Auto mit dat vele Lüüd ok op Reisen gahn sünd, wo een denn ok veel wat bi beleevt hett. Un dor denkt een denn ok vundaag noch mal geern an trüch an de olen Tieden. Meist jüst so, as an dat eerste Auto. Bi "Wi snackt Platt" gifft dat deswegen ok noch mal en Klassiker to hören ut uns Reeg "Hör mal 'n beten to" - geiht üm Gerd Spiekermann un den sien eerste Auto.
Dat allens - un noch'n beten wat mehr - dat gifft dat bi "Wi snackt Platt" an'n Sünndag, 30. Juli to hören - morgens halvig negen bi NDR 90,3.
De Leder in uns Sennen:
Knipp Gumbo - Ik all alleen
Lars-Luis Linek - Football
Gerrit Hoss - In disse Tied
Wattenläufer - Aloha heja he
Ina Müller - Veel to olt
Moderatschoon: Jürgen Fitschen
Schlagwörter zu diesem Artikel
Plattdeutsch
