Wi snackt platt

Nick Wilder, Salt-Ewer un dat ole Finkwarder

Sonntag, 08. September 2024, 08:30 bis 09:00 Uhr

Schauspieler Nick Wilder posiert bei den Karl-May Spielen 2024. © NDR Foto: Lornz Lorenzen

Wi hebbt mit Nick Wilder över siene Tiet bi de Karl-May-Spelen snackt. Twüschen twee Vörstellen. In'n Peerstall.

Ok dütmal hebbt wi bi "Wi snackt Platt" wedder ünnerscheedlich Themen för Jo.

AUDIO: Wi snackt Platt: Nick Wilder, Salt-Ewer un Finkwarder blifft Finkwarder (30 Min)

Nick Wilder un de Karl-May-Spelen in Bad Segeberg

Düt Wekenenn geiht de Saison bi de Karl-May-Spelen in Bad Segebarg toenn. Düt Johr ok mit dorbi weer de Schauspeler Nick Wilder. He weer in en Hauptrull beleven un hett den Halunken Emery Foster speelt. Wi hebbt mit Nick Wilder över siene Tiet bi de Karl-May-Spelen snackt. Twüschen twee Vörstellen. In'n Peerstall.

Weitere Informationen

Die Schauspieler Jan Hartmann, Sila Sahin und Nick Hartmann posieren bei den Karl-May-Spielen 2024. © NDR Foto: Lornz Lorenzen

Nick Wilder: Neuer Bösewicht bei den Karl-May-Spielen

Zehn Jahre lang war er der sympathische ZDF-Traumschiff-Doktor. Jetzt mischt er als Bösewicht die Karl-May-Spiele in Bad Segeberg auf. mehr

Quickborn-Pries, Quickborn-Verlag un Quickborn-Vereenigen

Al in’e verleden Utgaav hebbt wi vermellt: Gesche un Peer-Marten Scheller vun’n Hamborger Quickborn-Verlag sünd mit den renommeerten Quickborn-Pries vun`e Hamborger Quickborn-Vereenigen för nedderdüütsche Spraak un Literatur uttekent worrn. Dütmal vertellt wi Jo noch en beten wat mehr doröver - un wi stellt de Fraag: wat hett egens de Quickborn-Verlag mit de Quickborn-Vereenigen to doon? De Antwoort vörweg: Hüüttodaags sünd dat twee ünnerscheedlich Institutschonen. Man: se hebbt en gemeensame Geschicht!

Weitere Informationen

Menschen auf der Verleihung des Quickborn-Preises der Hamburger Quickborn-Vereinigung lächeln in die Kamera. © NDR - Jan Wulf Foto: NDR - Jan Wulf

Quickborn-Pries för Gesche und Peer-Marten Scheller

De Hamborger Quickborn-Vereenigen hett dat Verleger-Ehpoor Gesche un Peer-Marten Scheller mit den Quickborn-Pries uttekent. mehr

De Salt-Ewer "De Sulte" in Lümborg

"De Sulte" so heet de Originaal-Nabo vun en olen Salt-Ewer, mit den een op de Ilmau in Lümborg (Lüneburg) Utfohrten maken kann. Bi "Wi snackt Platt" vertellt wi Jo mehr över dat Schipp un de Ehrenamtlichen, de sik üm dat Schipp kümmern doot.

"Finkwarder blifft Finkwarder" - en plattdüütsche Radio-Reportaag ut dat Johr 1957

De Kollegen ut de NDR Retro-Redakschoon hebbt in't NDR Archiv en plattdüütsche Radio-Reportaag ut dat Johr 1958 wedderfunnen, de en sik nu op ndr.de/platt anhöörn kann: "Finkwarder blifft Finkwarder"heet düsse Reportaag vun Wolfgang Christian Seiffert un Otto Tenne und dat geiht dor üm de Geschicht vun Finkwarder un woans ut dat fröhere Fischerdörp en Industrievöroort worrn is. Vele Lüüd, de in'e 50er Johrn op de Elvinsel tohuus weern, kaamt in düsse Reportaag to Woort. Bi "Wi snackt Platt" maakt wi Jo en beten wat Lust op düsse würklich heel interessante Reportaag vun domals.