Kinnerdroom in´t Zirkustelt

Kinnerdroom in´t Zirkustelt

Anlässlich des norddeutschen Plattart-Festivals in Oldenburg (Oldb) am 19. + 20.6 in einem Zirkuszelt denkt Annie Heger an einen alten Kindheitstraum zurück.

Dat mooiste un beste an dat Grootworden, also Erwachsenwesen is ja to’n Bispill för mi, dat een Spaghetti Bolognese so faken un egaal to welke Dagtiet eten kann, ohn dat Mama di dat verbeden kann.
Un een kann sik de Drömen ut Kinnertiet sülvst wahrmaken.
As Kind weer mien Wunsch, wenn ik maal groot bün, dat ik denn entweder de Rote Zora bün of Ballerina in in en Zirkus. Watt för en Wunsch, dat gifft dat so as Beroop ja gaar nich, aver för mi weer dat klaar.
Dat hett eenfach all vereent, wat ik faszinerend funnen hebb as Kind. Danzen, Skandaal, Spektakel, Glitzerkleedaasch, Zuckerwatte un Popcorn, Musik un Peer un de Welt sehen. De mallen Sieden ut dat Zirkusbusiness hebb ik domaals ja gaar nich sehn kunnt, de hart Arbeid, de arm Deren, de elke Dag dör de Manege jaagt wurden un un un… un heel ehrlich, Ballerina in en Zirkus? Eets bün ik dat ja ok worden, blot nich mit Spitzenscho un ohn Telt. Vandaag will aver gaar nich mehr danzen, dat is vööls to anstrengend. Aver wo weer dat denn mit en Zirkustelt för us plattdüütsch Spraak. Zirkus up Platt. Waar de Spraak lebennig dör d’ Lucht flüggt, wi us vertövern laten van al de Künstlers, an elke Eck wat passeert, dat wi nich verwachten doont. En groot, bunt Mitnanner, dat wi daar denn fieren könnt. Wi jongleert mit Worden un stahnt tosamen up Kopp. Hach, wat för en Pläseer.