Die "Hör mal'n beten to"-Autoren allmitnanner

1 | 21 Werner Momsen is de Popp ünner de Plattschnackers. He maakt Radio, Fernsehn un Bühn, Hoch as Platt un is Botschafter för't nedderdüütsche Theater as nationalet immateriellet Kulturerbe vun‘ne UNESCO.

© NDR

2 | 21 Yared Dibaba seggt över sik, dat he de Entwicklungshölper för Plattdüütsch is. Extra ut Oromia in Äthiopien is he kamen, dormit hier mehr platt schnackt warrt. Denn man tau!

3 | 21 Kerstin Kromminga is as Clownin Broccoli in't Kinnerkrankenhus un in't Seniorenheim ünnerwegens. Un se is Expertin för Kommunikatschoon - dorum hett se ok jümmers to jichtenswat wat to seggen.

© Kerstin Kromminga

4 | 21 "De Alldag kann mi mal!", dat denkt sik Ilka Brüggemann faken bi dat, wat se so beleevt. Natürlich jümmers mit'n Plieren. Se seggt: "Plattdüütsch is för mi so veel mehr as blots een Job bi'n NDR!"

© NDR

5 | 21 De Melkbuer Matthias Stührwoldt is nich blots dör't Radio bekannt, sünnern ok op Bühnen in'n heelen Noorden ünnerwegens. Sien Geschichten un Vertellen fallt em tomeist bi't Melken in.

© Linn Marx, Foto: Linn Marx

6 | 21 Dr. Henning Kothe is Lungendokter, Opernsinger un schnackt ok in't Kabarett op Platt - mehr as noog Inspiratschoon also för sien "Hör mal'n beten to"-Geschichten.

© Henning Kothe, Foto: Henning Kothe

7 | 21 Motto: Sik sülvens nich to eernst nehmen. Ralf Spreckels vertellt, wat he övern Goorntuun, in'ne Familie, bi Frünnen un op sien Radtouren allens so mitkriggt. Resoneern? Geern! Altersmilde? Nix dor!

© NDR, Foto: Lornz Lorenzen

8 | 21 De Dannewerker Jung hett de Kieler Kulturpries wunnen, drievt sik op de Poetry-Slam-Bühnen in de heele Republik rum un ok in't Radio vertellt Helge Albrecht sien Geschichten.

© NDR, Foto: Lornz Lorenzen

9 | 21 Thomas Lenz is de Mekelnborger ünner de "Hör mal'n beten to"-Autoren. He kummt vun'n Buernhoff un sien Texten sind faken mal scharp oder rögt to't Nadenken an.

10 | 21 Siet 1999 arbeit Ines Barber mit un op Platt. De Spraak hett ehr Leven ümkrempelt un de Autorin krempelt geern mol dat Plattdüütsche üm. Beid so frisch as de echte Norden.

© Axel Schön, Foto: Axel Schön

11 | 21 Wat schall disse dösige Trend al wedder? Wokeen kiekt sik dissen Mist an? Un wo to'n Düvel is de gode Smack hen? Jichtenseen mutt dat ja mal seggen - un bi "Hör mal'n beten to" maakt dat Gerrit Hoss.

© NDR, Foto: Axel Herzig

12 | 21 "Dor, wo de Würklichkeit mall is, warrt de Narr vernünftig." Dat seggt Jan Graf över sien Texten, in de he sinneert un spekuleert un sien Gedanken frie'en Loop lett.

© NDR, Foto: Lornz Lorenzen

13 | 21 Annie Heger is allens, aver nich op de Snuut fullen. Se is de grote Optritt wennt, of in Ringelhemd of glitzernd Kleed. Se maakt in'n wohrsten Woortsinn ehr Publikum vun'n Boden- bit an de Nordsee platt.

© Agentur Maurischat, Foto: Jan Jagusch

14 | 21 Gerd Spiekermann reegt sik geern un faken op. Dor kann he nix bi maken. Un wenn he sik opregen deit, denn schrievt he sien Geschichten. Un dat is goot so, wiel opregen kann he sik egens jümmers.

© NDR, Foto: Regina Kramer

15 | 21 Achim Kußmann hett Buer lehrt, is söss Johr lang to See fohrt un is 27-mal in Sleswig-Holsteen ümtrocken. Nu leevt he in Hamborg un vertellt bi "Hör mal'n beten to", wat he in'n Alldag beleven deit.

© NDR, Foto: Lornz Lorenzen

16 | 21 Heiko Kroll is Plattdüütsch opwussen mang Geest un Masch. He kiekt ok mal neeschierig över’n Diek un is sik seeker: Allens hett mit allens wat to doon. Doröver schrievt un schnackt he.

© Heiko Kroll, Foto: Heiko Kroll

17 | 21 Frank Jakobs is dat, wat een en waschechten Oostfrees nöömt. Dor leevt he ok, wiel dor de Tee an'n besten smecken deit. As NDR-Reporter is he jümmers twüschen Ems un Elv ünnerwegens.

© NDR, Foto: Frank Jakobs

18 | 21 Fröher mit't Fohrrad as Reporterin för't Blatt op'n Zwutsch, nu in heel Norddüütschland mit't Mikro in'e Hand: Lina Martschin is'n Kind vun't Dörp un snackt geern mit un över Lüüd.

© NDR, Foto: Janis Röhlig

19 | 21 Mal satiersch, mal nadenklich, mal humorvull: Gesche Gloystein schrievt ehre Texten as lütte Porträts vun uns Tiet. För't Radio un ok för de Bühn: as Poetry Slammerin is se nämlich ok ünnerwegens.

© privat, Foto: privat

20 | 21 Marie Sophie Koop leevt in Hamborg un lehrt siet 2018 Plattdüütsch. Se ehr Texten sünd nadenkern, humoristisch un jümmers vun se ehr Belevnissen ut den Alldag inspireert.

© privat, Foto: Lukas Röhrdanz

21 | 21 So snackt blots een Noordlicht! Dat hört Carina Dawert faken. Dorüm hett se dat Snacken ok to'n Beroop maakt un is dormit in'n heelen Norden ünnerwegens. Frech. Un graadut. Mit Humor un Pli.

© NDR, Foto: Janis Röhlig