"Lüttje Fründ"

Mit dem Küssen fängt vieles an. Ralf Spreckels spricht aus eigener Erfahrung und dann ist Toleranz gefragt.

Kann ick jau mol een persönliche Fraag stellen? Ja ick weet, dat makt man egentlich nich so dört Radio. Man Liekers. Also: Könnt ji jau noch op de de erste lüttje Fründ of de erste lüttje Fründin besinnen? Ja so heet dat bi us fröher, wenn een dat erste mol een Jung of een Wicht küssen de. Us Groot is nu 15 un - naja, nee, mit - ehm - de erste Leefde is doar noch nix. Tominst nich, dat wi dat weeten. Aber wenn ick doran denk, wo mi dat domols gung, dat weer glöv ick nich so licht to överkieken… Erste mol Danz op de Deel, de sööte Jung in de Eck, Füürwark in mien Buuk, Händchen hollen und natürlich dat erste mol knutschen. Sall ick anropen, röpt he mi an? Wachen vör de Telefon, ganz cool doen, wenn he anröpt. Un denn de erste Date - Kino, weer wachen, nimmt he mien Han? Upregen, Spannung un Unsekerheid.
De heele Dag in Gedanken un nix op de Reeg kriegen. Wunnerboar un gruvelik togliek. De erste lüttje Fründ.
Was dat so ok bi jau? Wohrschienlich haast nettso.


Hier gibt es mehr Plattdeutsch:

Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch