Kinnergoorn in't Beet

Gesche Gloystein ist eine echte Pflanzen-Versteherin, also jemand, der scheinbar mit zwei grünen Daumen auf die Welt gekommen ist.

"Kinnergoorn in 't Beet"
Op mien Finsterbanken steiht allens voll mit lütte Potten. Neschierig kann ik al de ersten lütten, grönen Bläre sehn. Dat is de Kinenrstuuv för mien Gemöös.

Dat warrt Tiet den Goorn to planen, man dor mutt een op allerhand Acht geven! Denn de Planten sünd en beten as een Grupp Kinner: de een will nich tegen den annern sitten, de anner brukt noch en beten mehr to Eten, de drütte hett mehr Döst as de annern und noch anners een will lever tegen sien besten Fründ sitten.

So Planten krakeelt denn nich, de blifft still un gaht eenfak in wenn wat nich stimmt. Tuffeln to'n Bispill, man kunn ja denke de sünd bescheden. Aver nee, dat sünd lütte Diven! Tosomen mit Tomaten, Auberginen un Paprika mögt se nich wassen. Denn sünd de muksch. Man se hebbt mi vertellt, dat se woll mit den Spinaat tosomen wassen wüllt. Un de Spinaat keem denn an to quesen: mit de Tuffel is op Stee, man he wull doch so geern mit de Erdberen tosomen stahn! Rot un gröön süht so moi ut in 't Beet seggt he.

Man de Erdbeeren sünd wat heel besünners apaarts: de wullt partut blots mit den Knoflook tosomen wassen.Un denn fangt de Wuddeln an. De Rode Biten könt se nich utstahn. Un bi Pepermint warrt se blümerant un kummt nich rut. Man de kunn ik begöschen dormit, dat se tegen de Zippeln kommt. Dat gefallt jem, de hölpt tegen de Flegen. Nu brummt mi bilüten dat Brägen, wat is dat egens för en Kinnergoorn hier?

Hier gibt es mehr Plattdeutsch:
Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch