Af in den Urlaub

Auf der Autobahn gen Süden beobachtet Gesche Gloystein die anderen Autofahrer neben sich und kommt ins Sinnieren.

"Af in den Urlaub"
Wischen un Windrööd sust an mi vörbi. Dat löpt, ik geef Gas! Van hier an is Urlaub! Blots, dat man dor woar man hen will, erst maol henkamen mutt! Un anner Lüü ok jichtenswo hinwüllt. Ik sett an, um een LKW to överhalen. Sien Plane is achten en Stück open un flattert in'n Wind. Flap flap, as wenn he winken deiht. De Fahrer nu vör mi is en klassischen Mittelspohrfohrer, kan kummen wat will, he geiht dor nich weg. As ik em ok noch överhal, kann ik mi grad so verknipen wild to gestikuleren, dat he dor weg schall un mecker blots för mi hen! Goot, dat he mi nich hören kann. En poor Kilometer wieter maak ik denn en Paus. Un as ik van'n Sanifair woller rop kumm, kummt just düssen Kerl mi tegen an. So lütt is de Welt. Un as ik woller op de Bahn bün, kumm ik ok nochmal an de Laster mit de Winkeplan vörbi.

So en Dag op de Autobahn, de hett ja ok wat, dat verbinnt us mitnanner. Een överhalt de sülvigen Autos twee oder dreemol, van anner Wagen warrt man överhalt. Lüü maakt Paus mit us, un all wüllt se jichtenswo hen. Un is dat nich, denk ik bi mi - as de Laster un ok de Mittelspohrfohrer bi den letzten Knotenpunkt affohren sünd un de Bahn vör mi free is - en beten as dat Leven? Lüü kummt un gaht, de een överhalt, de annern lett man gau achter sik. Man vörallem is seker - dat is en grote Tour!

Hier gibt es mehr Plattdeutsch:
Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch