Hey Man!

Gerd Spiekermann ist gerade im Urlaub in Amerika und berichtet von dort. Diesmal geht es um eine interessante Begegnung im Supermarkt.

Hey man!
Hey guys oder Moin, Moin ut de USA. Wat du hier allens beleven kannst – nix to seggen. T.B. biˋt Inkopen. Ick stoh inˋn Supermarkt an so´ n Regol un bekiek mi een Pakeet mit mexikoonsche Brootwust. De seht ja lecker ut. Rin dor in den Wogen mit. In den Momang haut mi een Keerl von de Siet an: Hey man! Really gonna eat that? Dat wullt du wohrhaftig eten? Ja! Sure man! He schuddelt den Kopp! Impossible! Never ever! Wat schall dat denn nu heten?
In us Apartment heff ick de Wust denn in de Pann kregen un mööt seggen: So heff ick mi mexikoonsche Wust vörstellt. Eenmol lecker! As op den Hamborger Dom. Meist! Ick sä to mien Fro: Ick weet gor nich, wat de Keerl in de Supermarkt hadd hett. Impossible, never ever. Dat hier is 1a Wust. Ja, lach mien Fro dor, du warst hier noch toˋn Vegetarier! Wat schall dat denn heten? Impossible, never ever! Na, denn kiek mol, wat hier op de Packung steiht: plant-based sausage. Brootwust- rein pflanzlich! Also, du hest se woll nich all. De Wust kümmt ut Mexiko! Never ever is de … Kannst du lesen? Kannst du. Ja, kann ick. Denn lees, wat hier steiht. Un ja, wohrhaftig! Plant-based …Un do wurd mi dat klor: de Mann in den Supermarkt, de hett nich över mi lacht, nee, de wull mi wull mi wohrschauen, de hett dat goot mit mi meent. As ick al sä: In de USA, dor kannst du wat beleven – nette Lü inˋn Supermarkt un vegetarische Wust ut Mexiko.
Bye, bit to de neegste Wust!
Hier gibt es mehr Plattdeutsch:
Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch