Föhrerschien

Matthias Stührwoldt denkt an seine Jugend zurück, als er nach bestandener Führerscheinprüfung endlich auf die Straße durfte. Egal womit.

"Fröhjohr 1984. In Januar bün ik sössteihn worrn, un ik weer jüst dorbi, mien Mopedführerschien to moken. Oh, wat möss ik rümqueesen, bit mien Öllern dormit inverstahn weren. Mien Vadder harr as jungen Mann sülven Moped föhrt, aver nu sä he: Mopeds sünd veel to düer, un de halven Jungs föhrt sik de Ohren av. Tööv man, bit du achtteihn büst, un denn kriggst du een lütt Auto vun uns!

Aver ik heff gegenan sabbelt. Se mössen mi denn veel weniger dörch de Gegend föhren, ik kunn hin nah School un ok wedder trüch, ok wenn keen Bus föhren wörr, un nich toletzt kunn ik denn ok op de Straat Trecker föhren, total legal, un wenn de Putzen mi anholen schullen, kunn ik ehr mien Führerschien wiesen. Un blangenbi, sä ik, all de Jungs ut Dörp föhrt Moped. Schüllt de Lüüd denken, wi künnt uns dat nich leisten?

Ik glööv, dormit heff ik mien Vadder kregen. Also heff ik mi anmeldt, Führerschien 1b, un bi unsen Dörpsschlosser Uwe Stender hebbt wi eene niede Achtiger-Zündapp bestellt, K 80, luftgeköhlt, 8,3 PS, Höchstgeschwindigkeit 80 km/h. Dat Moped weer later denn tatsächlich oftens kaputt un wegen de Reparaturen veel to düer, jüst so, as Vadder dat seggt harr, aver an den Dag, as ik mien Führerschien bestahn heff, weer de Zündapp noch gor nich dor. Un ik harr mi doch so dorop freut, dat erste Mol ganz alleen motorisiert ünnerwegens to ween."

Hier gibt es mehr Plattdeutsch:
Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch