Better leven mit Mozart

Würkli, so richti dull kinn ick mi mit klassische Musik ni ut. Ick mach dor ook ni allns heuern. Wolfgang Amadeus Mozart to'n Bispeel weer mi jümmers to seut un to harmlos. Dorbi weer ick sogor mol in dat Huus in Salzborg, in dat he op de Welt kom' is. Wo sien Graff is, weet man je ni, weil he verarmt storven is. He is overs ni arm storven, weil he nix verdeent hett in't Leven. In Gegendeel: He weer so'n richtigen Star. Overs allns, wat he verdeent hett, hett he to Levtieden verjuckelt. Wolfgang hett fiert, bet de Putz vun de Wand fulln is. An un för sick ganz sümpatisch. Un nu heff ick wat rutfunnen, dat mi Mozart noch veel düller sümpatisch mokt. He hett nömli mol 'n ganz besünnered Leed schreeven, so'n Kanon för süss Stimmen. Un düsse Kanon heet "Kleih mi an Mors"! Natüürli hett he dat op Hochdüütsch schreeven. Overs dat is doch allerhand för de dormolige Tied.

Hier gibt es mehr Plattdeutsch:

Kolumne: Hör mal 'n beten to "Mit Leevde backt":
https://www.ndr.de/wellenord/sendungen/hoer_maln_beten_to/Kolumne-Hoer-mal-n-beten-to-Mit-Leevde-backt,hoermaltext104.html

Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch