Freebad Saison

Die Temperaturen steigen. Auf ins Freibad. Und Gerit Hoss steigt wieder der Duft von frischen Pommes aus seiner Kindheit in die Nase.


Mal ehrlich: Woans süht dat denn mit dien Freebad-Figur ut?
De Saison steiht vör de Döör.
Du un dat heet ja ok, dat Du di bi en Besöök ümmer op so veel besinnen kannst. Also ut Tieden, wo dat dor an'n Kiosk noch "Braunen Bär" geev, de Schapp noch en richtige Schlötel harr, ja un so mennigeen Baad-Antoch dreemal soveel Stoff harr as hüüt.

Gliecks na de School gung dat los. Huusopgaven weren eher fix maakt. Hauptsaak nix verpassen! Baadbüx ünnertroken un af op'd Rad. Mudder reep noch achteran, wat ik denn ok Sünncreme mit hebb. Man dat heff ik al nich mehr hört...oder nich hören wullt. Wichtig weer ja, en goden Platz für mien Handdook to kregen. Op't Best neven de Deerns ut mien Schoolklass. Denn de weren ja jümmers ünner sik dor. Un wi nu mal mit Utduer achteran. Ok wenn wi dat sachs mitkregen hebbt, dat de sik egentlich mehr för de Jungs twee Klassen över uns intereseeren deen. Man du weetst ja ni. Un blots mal de Ohrstöpsel vun'n Walkman deelen un tosamen in de Mix-Kassett rinhören - Dat hett ja langt, üm ünner de anner Jungs Indruck to schinnen. Meist so as Köpper vun't 10m-Brett. Man dat weer för mi nienich so en goode Idee.

Hier gibt es mehr Plattdeutsch:

Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch