Dörpusten laaten

Allein der Gedanke, an die Küste fahren zu können, versetzt Kerstin Kromminga in gute Laune.

Dat wast: Ick möss mal rut. Rut ut de Job, rut ut de veer Wände, eenfach wech un rut ut de Stadt. Und wenn mi dit Geföhl packt, denn kann ick nich anners, denn mutt ick doar Fahrt achter maken - denn mutt ick anne See. Nee, nich an een See, an DE See, an de Nordsee. Water, Solt, Wind un Wellen. So recht dörpusten laaten, dat bruuk ick hen un weer. Un de körtste Padd van Hannover is in knapp twee Stünnen int Land Wursten, stracks achter Bremerhaven, woar de Weser in de Nordsee lopen deit. Un doar sünd wi hen, ton Dörpusten, as ick all se. För mi is dat Meer eenfach de allerbeste Platz ton Utspannen. Dat is mien Heimat, mien Ruhesteed, mien Luft, mien beste Geföhl. Kann ween, de Grund dorför is, dat Strand, Wellen und Meer de gröttste Unnerscheed maken to de stuure Warkdag. De Blick over dat Water un in de Horizont gifft mi een Geföhl sünner End und togliek stah ick barfoots in de Sand heel fast op to Grund.


Hier gibt es mehr Plattdeutsch:

Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch