Wi snackt platt

"Ünner de Sünn", so heet de ne'e Song vun den Hamborger Ledermaker un Kinnerbookautoren Ove Thomsen (rechts). Bi "Wi snackt Platt" stellt he sien ne'et Leed vör. Links: NDR Platt-Redakteur Jan Wulf

Ove Thomsen is Musiker un plattdüütschen Kinnerbookautor. Verleden Johr is sien Kinnerbook“Regen in’n Kopp” dat plattdüütsch Book vun’t Johr worrn. Ok en plattdüütschen Song hett he domals rutbröcht. Sien eersten Song op Platt. Man nu hett he naleggt: denn an'n Freedag is sien ne'et Leed op Plattdüütsch rutkamen. Bi "Wi snackt Platt" stellt wi Jo den Song “Ünner de Sünn” vör un wi snackt mit Ove över siene Erfolge in Saken Plattdüütsch un ok doröver, woso he sik so för de Spraak insetten deit. Man dat is noch lang nich allens. Denn wi sünd dütmal ok noch bi dat Norderstedter Amateurtheater to Besöök, dat tokamen Dunnerstag Premieer mit dat Stück “Dree Damen in’n Harvst” fiert. Un wi maakt Lust op en Veranstalten an’n Middewekenavend in’n Lichwarksaal vun’e Carl-Toepfer-Stiften. "Dr. Fritz Reuter morgens nicht zu sprechen" heet en Vördrag, den twee echte Reuter-Experten vun't Institut för Nedderdüütsche Spraak in Bremen halen warrt: de Schauspeler un fröhere Baas vun'e Nedderdüütsche Bühn an't Oldenborgsche Staatstheater Herwig Dust un Rainer Schobess, de fröher mal Platt-Redakteur bi'n NDR in Mecklenborg-Vörpommern weer.

AUDIO: Wi snackt Platt: Ove Thomsen, Dree Damen in'n Harvst un Reuter (31 Min)

Moderatschoon: Jan Wulf