Wi snackt platt

Hund Lucky - de Tibet-Terrier vun Karla Buhr ut Hamborg-Bohrenfeld.

Bernhard Koch is op'n Dörpen opwussen un hett vun dor nich blots sien Plattdüütsch mitbröcht. He is ok en groten Deertenfründ - vun Hund un Katt bet hen na'n Wellensittich. Dorüm stellt Bernhard bi "Wi snackt Platt" nu ümmer mal wedder plattdüütsche Lüüd ut Hamborg un ümto un jümehr Huusdeerten vör. Den Anfang maakt düssen Sünndag Karla Buhr un ehr Hund Lucky ut Bohrenfeld.

Wokeen hett en Papagei, de Platt kann?

Wenn Ji Platt snacken doot un tohuus ok en Deert hebbt, wat ganz nödig mal in't Radio mutt - wat dat nu en Katt, en Peerd oder Wellensittich is oder villicht goors en Papagei, de bavento denn ok noch 'n beten wat an Platt kann - denn seggt Bescheed: Eenfach ne korte Mail an 903platt@ndr.de schicken un denn kickt Bernhard de neegste Tiet ok mal bi Jo vörbi.

Woso snackt een düsse Daag egens vun’e "Hunnsdaag"?

De "Hunnsdaag" keent een ok as de hitten Daag in'n Sommer.

Bavento gaht wi bi "Wi snackt Platt" dütmal de Fraag op'n Grund, woso een düsse Tiet in'n Sommer (de Tiet vun'n 23. Juli bet hen na'n 23. August) vun'e "Hunnsdaag" snacken deit. Soveel al mal vörweg: Mit en Hund, so as den Tibet-Terrier Lucky ut Bohrenfeld, hett dat nix to doon. De Oplösen höört Ji Sünndagmorgen halvig negen bi NDR 90,3 "Wi snackt Platt".

De Leder in uns Sennen:

Axel Prahl & Das Inselorchester - Timpete
Otto Groote Ensemble - Straat nah Westen
Wiebke Colmorgen & Hardy Kayser - Willnix, kannix & weetnix
Knipp Gumbo - Kring ut füer
Nick, Yared & Floy feat. The Charchullas - These boys must be free

Moderatschoon: Jürgen Fitschen

Weitere Informationen

Wi snackt Platt bei NDR 90,3

"Wi snackt Platt" bringt de heemliche Mudderspraak vun uns Noorddüütschen ok in't Radio un in'n Podcast to'n Klingen. mehr

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr