Wi snackt platt

De Ledermaker Lennon von Seth is an'n Freedag, den 11. Oktober, in't Börgerhuus in Neendörp to beleven.

Dütmal stellt wi Jo bi "Wi snackt Platt" en jungen plattdüütschen Ledermaker vör, de tokamen Freedagavend (11. Oktober) vunaf Klock 7 an op’e Bühn vun’t Börgerhuus in Neendörp to beleven is: Lennon von Seht! Denn geiht dat ok noch üm dat ne’e Stück vun’t Amateurtheater in Duvensteed – “Dat Bahn-Chaos - Reisende schall man ophollen" heet dat. Un wi hebbt Besöök in't Studio:

"Asterix de Gallier" op Platt

Peter Nissen (op dat Bild to sehn) un Reinhard Goltz hebbt "Asterix, der Gallier" op Plattdüütsch översett.

Tokamen Dingsdag, den 8. Oktober, dor kümmt in'n Egmont-Verlag en ne'en Asterix-Band op Plattdüütsch rut. Översett hebbt dat Ganze Reinhard Goltz un Peter Nissen - un Peter Nissen, de warrt bi "Wi snackt Platt" mehr vertellen: över dat Book un wo veel Spaaß he bi dat Översetten vun "Asterix de Gallier" hatt hett. Un dat ganz blangenbi: an'n Sünndagmorgen, dor verloost wi bi "Wi snackt Platt" ok noch en Exemplar vun "Asterix de Gallier" - un twors handsigneert vun Peter Nissen!

AUDIO: Wi snackt Platt: Asterix op Platt, Bahn-Chaos un Lennon von Seht (30 Min)

Moderatschoon: Jan Wulf

Henwies: In düsse Utgaav geiht dat ok noch üm de Grote Plattdüütsch-Gala - präsenteert vun NDR 90,3 an'n 18. Oktober in'n groten Saal vun'e Hamborger Laeiszhall. Mehr Informatschonen dorto gifft dat hier.

De Leder in düsse Utgaav vun "Wi snackt Platt":
Leev kaam un bliev in mien Huus - Knipp Gumbo
Disse Tiet - Gerrit Hoss
Mien Jung vun't Dörp - Wiebke Colmorgen & Hardy Kayser
An Land - Annie Heger
Lüttje Glück - Tüdelband

Weitere Informationen

3 Min

Junger Liedermacher aus Neumünster singt auf Plattdeutsch

Lennon von Seht hat sich die Sprache selbst beigebracht. Seine Song-Ideen sammelt er im Alltag. 3 Min

Platt op'e Ohren: De "Wi snackt Platt"-Podcast

Wat an plattdüütsche Kultur op de Bühn, in de Literatur oder in Films löppt - Ji kriegt dat mit bi "Wi snackt Platt" vun NDR 90,3. mehr

Wi snackt Platt bei NDR 90,3

"Wi snackt Platt" bringt de heemliche Mudderspraak vun uns Noorddüütschen ok in't Radio un in'n Podcast to'n Klingen. mehr

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

Die Welt snackt Platt: Alles rund um das Thema Plattdeutsch

Plattdeutsche Sendungen in Radio und Fernsehen im Überblick, das Wörterbuch oder aktuelle Norichten op Platt. mehr