Platt leevt: Mit de Kettensaag in't Holt
Wo buten an't Huus so'n lang sülvern Rohr rutkiekt, stickt daar sachtens een Holtofen achter. De mit Holt inbött, kriggt sien Stuuv fein kommodig warm. Liekers de Energiepriese je weller rünnergohn sünd, is dat Inböten mit Holt is jümmers noch anseggt.
Mit de Motorsaag arbeiten lehren
De meisten Lüüd, de mit Holt heizt, doht dat vunwegen de angenehme Warms un nich mehr tovörderst wegen den Pries. Uns Reporterin Dana Frohbös weer bi een Kursus wo Lüüd lehrt hebbt, mit de Motorsaag to arbeiten.
De ASB I Lehrgang vun de Deula löppt noch bet März. Wokeen dat Handwark also mal richtig lehren oder eenfach mehr Sicherheit mit de Soog in de Hand winnen will, de schull dat unbedingt moken. Un wenn denn allns good loopen is un een sik bit Holtmoken in Winter nich verletzt hett, denn kann een ok de koole Wintertied to Huus vör n Aven veel beter geneten. Daar is dat doch beter as in‘t Krankenhuus.
Schlagwörter zu diesem Artikel
Plattdeutsch
