Wi snackt Platt: Fleetenkieker, Otto Groote un Woolddeerten op Platt

Dütmal sünd wi op Besöök bi „De Fleetenkieker“ in Hamborg-Neefell. De plattdüütsche Amateurtheatergrupp fiert tokamen Wekenenn mit dat Stück "Penner Paul" vun Norbert Tank Premieer. Dorto geiht ok noch üm en ne’e Broschüür vun't Lännerzentrum för Nedderdüütsch un dat Wooldpädagogikzentrum Oostheid, in de de plattdüütschen Naams vun Woolddeerten verklaart warrt. Un wi snackt mit den Ledermaker, Sänger un Gitarrist Otto Groote. Tohoop mit sien Trio is he an'n Middeweken, den 12. Februor, avends Klock 6 in'n Lichtwarkaal vun'e Carl-Toepfer-Stiften to beleven. Kössen deit dat Kunzert nix, aver een mutt sik bi de Carl-Toepfer-Stiften anmellen.

Moderatschoon: Jan Wulf