Wi snackt platt

Een ganzet Album rund üm dat Thema "Tee": an'n 23. Mai is Lars-Luis Linek mit sien Snutenhobel un ne'e Songs in'n Lichtwarksaal vun'e Carl-Toepfer-Stiften to beleven.

Bi "Wi snackt Platt" geiht dat dütmal - mank anner Saken - üm ne’e plattdüütsche Musik: Wiebke Colmorgen un Hardy Kaiser hebbt verleden Week jümehr ne'et Album "Vun Harten" op de Studio-Bühn vun't Ohnsorg-Theater vörstellt, un Lars-Luis Linek is an'n 23. Mai mit Leder vun sien ne'et Album "Tass Tee" in'n Lichtwarksaal vun'e Carl-Toepfer-Stiften to beleven. Denn sünd wi bi "Wi snackt Platt" ok noch in'n Landkreis Horborg ünnerwegens: de Theatergrupp "Bickbeern-Schweizer-Speeldeel" harr Besöök vun de fröhere Ohnsorg-Schauspeelersch Sandra Keck. Un de Leitersch vun dat Nedderdüütschsekretariat Christiane Ehlers vertellt bi "Wi snackt Platt" mehr över en Seminar un Workshop an’n 31. Mai in Hamborg: Een Spraakplan för dat Nedderdüütsche schall dor diskereert ut utarbeidt warrn - un jedeen, de will, kann mitmaken.

AUDIO: Wi snackt Platt: Spraakplan, n'e Musik un Sandra Keck (31 Min)

Moderatschoon: Jan Wulf

Weitere Informationen

Wi snackt Platt bei NDR 90,3

"Wi snackt Platt" bringt de heemliche Mudderspraak vun uns Noorddüütschen ok in't Radio un in'n Podcast to'n Klingen. mehr

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr