De HVV sett to’n Johrswessel de Priesen för de Fohrkorten na baven. In’n Snitt snackt se hier vun üm un bi fief Perzent. Welk Korten för en enkelte Fohrt warrt teihn Cent dürer. As Bispeel köst de Streck dicht bi af den Januarmaand denn twee Euro teihn statts twee Euro. Un bruukt een twee Tarifringen, denn köst dat dree Euro negentig statts dree Euro achtig. Un de Dagfohrkort af Klock negen warrt afschafft. Dor gifft dat denn blots noch de Fohrtkort för den ganzen Dag. Un de warrt denn goors een Euro billiger. De Senaat will de ne’en Tarifen vundaag afnicken un dormit denn op’n Weg bringen, dat de denn af Januar gellen doot.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten59762.html