För Hamborg warrt dat ümmer sworer, Lüüd, de op’e Flucht sünd un de na uns in uns Stadt henkamen sünd, en Dack över’n Kopp to geven. Al vör de Tiet, wo dat mit den Krieg in’e Ukrain losgahn is, dor hebbt al 27.000 Flüchtlingen bi uns in öffentlichen Quarteren leevt. In’e Twüschentiet sünd dat mehr as 43.000 Minschen. Un so as de Binnenbehöörd dat seggt, kaamt ok wedder Lüüd ut anner Länner as blots ut‘e Ukrain na Düütschland hen. Ut den Grund schall nu ok wedder een vun’e Messehallen as Noot-Quarteer för bet to 400 Minschen praat maakt warrn. Un in’n Winter kunnen Flüchtlingen goors nochmal wedder in Telten an de Steed in‘e Schnackenburg Allee ünnerkamen.
// Düsse Week - Der Wochenrückblick auf Platt - 17.09.2022, Kl. 9:30

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten51176.html